مفاجأت جديدة حول حادثة «سيدة البلكونة»

سيدة البلكونة: انا اللى أنتحرت وهو محاولش ينقذنى
سيدة البلكونة: قولت أنتحر وأخته تربى الأولاد
الشهود: سمعت صريخ والست متعلقة فى البلكونة
والدة سيدة البلكونة: عاوزين العيال يعيشوا معانا
الحاقا لما تم نشرة على مشاهد تحت عنوان ” بالفيديو .. مصري يلقي عروسته الجديدة من البلكونة ” ظهرت مفاجأت جديدة حول هذه القضية على قناة dmc الفضائية المصرية حيث اتضح ان السيدة متزوجه منذ سبع سنوات وليس شهر كما ذكرت المصادر وأن هناك اختلاف تام في مجريات القضية.
حيث نفت سارة مجدي، المعروفة إعلاميا بسيدة البلكونة في لقائها مع الإعلامية إيمان الحصري على قناة dmc الشائعات المتعلقة بها مؤكدة أن لديها بنتين تبلغ الأولى 4 سنوات والأخرى 3 سنوات، كما أنجبت ولدًا يُدعى “محمد” منذ أربعين يومًا، موضحة أنها هي من عزمت على إلقاء نفسها من البلكونة بسبب معاملة زوجها السيئة لها، وكذلك تدخل شقيقتها في حياتها الشخصية.
وكما نفت سارة فى حديثها عن ماورد عن انقاذ اهل زوجها لها ،وأن والدتها من قامت بأنقاذها، وأضافت سارة “أهله ناس مفتريين، بس مامته عمري ما شوفت منها حاجة وحشة، وهي على عيني وعلى راسي”.
وتابعت “أنا رميت نفسي، وهو محاولش ينقذني كان بيتفرج عليا، وحسيت بإيده بتسيب إيدي، يعني السبع سنين اللي عشتهم من حياتي خلاص قولت انتحر وولادي بقى تبقى تربيهم اخته، بس أنا مش هرجعله تاني، كفاية أوي عمري اللي ضاع بسببه، ده إنسان معندهوش نية للتغيير، ولا مسؤولية لعياله، أنا مش عاوزه غير إني اطلق بما يرضي الله زي ما اتجوزت بما يرضي الله، عشان عيالي ميقولوليش في يوم انتي دخلت ابونا السجن”.
وأضافت والدة سيدة البلكونة “عايزين العيال يجيبوهم هنا يعيشوا معانا ومش عايزين حاجة تاني” وبالفعل أنتقلت سارة مع والدتها الى مسكن عائلتها بحى الزاوية الحمراء.
وشهد أحد سكان المنطقة محمد رجب على الحادثة وأدلى بشهادته قائلاً “أنا شغال صنايعي ألومنتال في ورشة جنب البيت اللي حصلت فيه الواقعة، وكنت بشرب شاي مع أولاد عمي داخل الورشة، وسمعت صريخ وصويت في الشارع، فخرجت من الورشة ولقيت الست متعلقة في البلكونة، ودخلت في غيبوبة، تقريبا كان عندها السكر”.