فنانات عربيات تضرعن إلى الله بسبب أزمة كورونا .. ماذا قالن ؟
تسبب فيروس كورونا مؤخرًا في إجبار الجميع على الجلوس في بيوتهم أطول فترة ممكنة، مع التوجه إلى الله عز وجل بالدعاء من أجل التخلص من هذا الوباء على خير دون وجود لأي أضرار.
وكانت البداية مع المطربة المصرية شيرين عبد الوهاب التي تحدثت مع الناس عن علاقتها مع الله قائلة: “أنا بشكر الظروف اللى إحنا فيها بالرغم من قسوتها عشان نقعد فى البيت ونقرب من أهالينا ونشوف ولادنا”.
وأضافت: “أنا مبحبش أتكلم عن صلاتى عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا”.
وواصلت شيرين حديثها قائلة: “ساعات لما كنت بصلى كنت بحس إني بعمل الواجب أو أسرح فى الصلاة أنا هعمل غداء إيه النهاردة، بس الواحد لما بيقف قدام ربنا ويركز فى الكلام اللي بنقوله زى ما بنقول في الفاتحة الرحمن الرحيم هو فعلا رحمن وحنين وأحلى حاجة في الدنيا”.
واختتمت شيرين حديثها مع الجمهور قائلة: “زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشوفني وبيداوي كل حاجة حاسة بيها، أنا بقول ده ومش خايفة من التعليقات اللى هتيجي، أنا نفسي كله يحس الإحساس اللى كنت حساه وأنا بصلي صلاة المغرب والسنة، متعة تانية أحلى من أي سفرية أو أي سهرة.. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده”.
أما الفنانة اللبنانية فيروز فتلت بعض الصلوات من كتاب الإنجيل ودعت الجميع للبقاء في المنزل كإجراء احترازي للحد من انتشار كورونا.
وتضرعت المطربة اللبنانية نجوى كرم إلى الله قائلة: “ليس لنا ملجأ سواك يا الله”.
أما المطربة الكويتية نوال فنشرت فيديو عبر حسابها في موقع الإنستجرام طالبت الناس من خلاله بالتقرب إلى الله والتسبيح.
