كندة علوش تنعي كلبتها.. ماتت بهذا المرض

نعت الفنانة السورية كندة علوش عبر حسابها الرسمي في موقع “إنستغرام”، كلبتها التي توفيت بعد عشرة دامت بينهما 8 سنوات، بسبب مرض الفشل الكلوي

وكتبت “علوش”: “مبارح راحت حبيبتي الصغيرة توفي أغلى مخلوق على قلبي بعد أهلي.. رفيقتي وبنتي أكتر حدا بيضحكني وأكتر حدا مخلص مر بحياتي. طبعًا يلي بعمرن ما ربو كلب ما حيفهمو يلي عم قولو وحيعتبرو كلامي مبالغ فيه ويلي ربى كلب حيفهم.. حيفهم شو يعني مخلوق صغير تكون انت كل العالم بالنسبة الو يستناك بالساعات بدون لا أكل ولا شرب.. بس تغيب بيطق من الزعل وبس ترجع عالبيت بيعمل حفلة.. بيسمع كلامك وشو ما عملت ما بيزعل منك حب غير مشروط حب من غير مقابل بدون مطالب وبدون أحكام وبدون عتب”.

وتابعت حديثها: “مخلوق ما بدو منك شي غير إنك تكون موجود حواليه وتحبو وبيرضى بالقليل.. ذكي ووفي ومخلص وبيدخل البهجة عالمكان الي بيكون فيه. ما بعرف كيف بدي أنساها وصوت خطواتا الصغيرة ورايي طول الوقت ما بيفارقني.. 8 سنين ما غابت عني ولا لحظة الله يرحما RIP my little toffee”.

وطلبت كندة من متابعيها عدم التعليق على منشورها بتعليقات سلبية أو مسيئة.

قد يعجبك ايضاً